Եթե դուք սխա՞լ եք նկատել տեքստում, նշեք այն և սեղմեք Ctrl+Enter՝ տեղեկատվությունը խմբագրին ուղարկելու համար:

«Բոլոր դժվարությունները դառնում են հաղթահարելի, եթե գիտես` հանուն ում և ինչի պայքարել»

Լոռու մարզի փոքր համայնքներից մեկում` խաչքարերով, վայրի բերքատու ծառերով ու բնական աղբյուրներով հարուստ Նեղոցում է բնակվում և իր տնտեսությունը վարում Ռոզա Կիրակոսյանը: Նրա թեկնածությունը «Գյուղմթերք արտադրող կին հերոս-2014» մրցանակաբաշխությանը ներկայացրել էր Հայաստանի երիտասարդ կանանց ասոցիացիան:

 

Ռոզա Կիրակոսյանը 48 տարեկան է, շուրջ 30 տարի է, ինչ զբաղվում է հողագործությամբ և անասնապահությամբ: Իր տնամերձ հողակտորում աճեցնում է բանջարեղենի տարբեր տեսակներ`լոբի, կաղամբ, կարտոֆիլ, գազար, լոլիկ, վարունգ, ստանում է խնձորի, տանձի, արքայանարնջի և սերկևիլի առատ բերք: Մոտ 5 տասնյակ մանր ու խոշոր եղջերավոր անասուններ, հավեր ունի.

 

 

– Հողագործության և անասնապահության մեջ ամեն ինչ չէ, որ մեզնից է կախված: Անկանխատեսելի շատ բաներ են տեղի ունենում, որ ստիպված ենք լինում զրոյից սկսել: Օրինակ` խոզերի հիվանդություն տարածվեց, որի պատճառով մեր բոլոր 65 խոզերը սատկեցին, հիմա ընդամենը 6 գոճի ունեմ: Հույս ունեմ, որ գոնե դրանց կկարողանամ մեծացնել,- ասում է Ռոզա Կիրակոսյանը:

 

 

Ինչպես և գյուղի ընտանիքների մեծ մասի, այնպես էլ նրա ընտանիքի ապրուստի հիմնական միջոցը հողագործությունն ու անասնապահությունն են:

 

 

– Յուղ եմ պատրաստում, կաթնամթերք ու մսամթերք ստանում, գոհ եմ, որ կարողանում եմ ընտանիքիցս բացի նաև իմ համագյուղացիներին ապահովել թարմ, առողջ ու մաքուր սննդով,- նշում է նա:

 

 

Իր կյանքի մեծագույն ձեռքբերումն ու հարստությունն է համարում իր երեք զավակներին և երկու թոռներին: Նրա կարծիքով՝ բոլոր դժվարությունները դառնում են ժամանակավոր և հաղթահարելի, եթե գիտես` հանուն ում և ինչի պայքարել:

 

Ռոզա Կիրակոսյանն առաջիններից էր, ով տեղեկանալով Հայաստանի երիտասարդ կանանց ասոցիացիայի կողմից Լոռու մարզում իրականացվող «Կանանց սոցիալ-տնտեսական հզորացում Հայաստանում» ծրագրի մասին` մասնակցության ցանկություն և պատրաստակամություն հայտնեց:

 

 

– Նման ծրագրերը նպաստում են մեր կանանց ակտիվացմանը և զարգացմանը, նոր գաղափարներ են ծնում: Իսկ ապագայի շատ ծրագրեր կան. ցանկանում եմ վերականգնել կորցրածս, մեծացնել տնտեսությունս,- ավելացնում է Ռոզա Կիրակոսյանը:

 

 Անուշ Շիլաջյան, ՀԵԿԱ

 

 

Կարդացեք թեմայի շուրջ  մեր կայքում.

 

Գործունյա կնոջ ձեռքում քարն էլ է փափկում…/ տեսանյութ

 

Ամփոփվեց «Գյուղմթերք արտադրող կին հերոս-2014» մրցանակաբաշխությունը

 

Շնորհավորում ենք «Կանանց իրավունքները Հայաստանում. Դե-յուրե և դե-ֆակտո» մրցույթի հաղթողներին

 

«Մեր տան ամեն ինչը «բնական» է»…/ տեսանյութ

 

«Լիիրավ երջանկությունը ընտանիքիս համերաշխությունն է, ինչպես որ խաղաղությունը՝երկրի համար »…/ տեսանյութ

 

«Հասոյի լեգենդար պանիրը»

 

«Կանա՛յք, վստահե՛ք ձեր ուժերին և առա՛ջ շարժվեք»…

 

«Աշխատանքի մեջ պահանջկոտ եմ, ուզում եմ ամեն ինչ իր հունով, շիփ-շիտակ գնա»

 

«Հաջողության բանալին համբերատարությունն է ու սերը աշխատանքի նկատմամբ»

 

«Տարիների ընթացքում զարգացրել եմ սեփական տնտեսությունս»

 

«Նոր ուղիներ եմ փնտրում տնտեսությունս ընդլայնելու և զարգացնելու համար»

 

«Յուրաքանչյուր աշխատանքին հարկավոր է ստեղծագործաբար մոտենալ, սեր ու հոգի ներդնել»

 

 

 

WomeNet.am-ը անդրադառնում  է  «Գյուղմթերք արտադրող կին հերոս» կոչմանը արժանացած բոլոր  կանանց  պատմություններին

 

 

 

Դիտումների քանակը` 2886

Վերադառնալ վերև