Եթե դուք սխա՞լ եք նկատել տեքստում, նշեք այն և սեղմեք Ctrl+Enter՝ տեղեկատվությունը խմբագրին ուղարկելու համար:

 «Անապատի ծաղիկը». Ֆիլմ կնոջ մասին, ով երբեք չի հանձնվում

 «Անապատի ծաղիկը» ֆիլմը նկարահանվել է հայտնի թոփ-մոդել Վարիս Դիրիեի համանուն ինքնակենսագրական վեպի հիման վրա։ Նա առաջին կինն էր, որ համարձակվեց հանդես գալ աֆրիկյան երկրներում աղջիկների թլպատման դեմ:

 

Վարիս Դիրիեն ծնվել է 1965 թվականին Սոմալիում։ Հինգ  տարեկանում  ենթարկվել է կանացի թլպատության։ 13 տարեկանում նա ստիպված էր փախչել տնից, որպեսզի խուսափի իրենից բավական մեծ տղամարդու հետ ամուսնությունից։ Ինչ-որ աներևույթ ուժերի օգնությամբ հաջողացրեց անցնել անապատը՝ հասնելով Սոմալիի մայրաքաղաք Մոգադիշո, այնուհետև Լոնդոն, որտեղ նա սկզբում աշխատանքի է տեղավորվում McDonald’s-ում, սկսում է անգլերեն սովորել։ Լուսանկարիչ Թերես Դոնովանի հետ պատահական հանդիպումը Վարիսի համար ճակատագրական է դառնում։ Լուսանկարչի  օգնությամբ նա սկսում է մոդելի իր կարիերան։ Շատ շուտով Վարիսը սկսում է նկարվել Chanel- ի, Levi- ի, L’Oréal- ի եւ Revlon- ի գովազդային շապիկների համար։ Որպես մոդել սկսում է ներկայանալ Լոնդոնում, Միլանում, Փարիզում, Նյու-Յորքում։  1997 թվականին, երբ արդեն ճանաչված մոդել էր, Վաևիսն առաջին անգամ  Marie Claire  կանանց ամսագրին տված հարցազրույցում խոսում է Աֆրիկայում աղջիկների թլպատության մասին, նույն թվականին նա դառնում է ՄԱԿ-ի դեսպանը կանանց թլպատության դեմ։  

 

Նրա ստեղծած The Desert Flower Foundation ֆոնդը պայքարում է կանացի թլպատության դեմ, ամբողջ աշխարհից մարդիկ միանում են այս նախաձեռնությանը՝ փորձելով կանխել դաժան հանցագործությունը, որն իրականացվում է փոքրիկ աղջիկների նկատմամբ։

 

 

ՄԱԿ-ի տվյալներով՝

 

  • Այսօր աշխարհում ապրում է 200 մլն կին և աղջիկ, որոնք սեռական օրգանները ենթարկվել են այս կամ այն խեղման:
  • Եթե այս միտումը պահպանվի, ապա ամեն տարի  ևս 3 մլն կանանց ու աղջիկների սպառնում է այդ վտանգը:
  • Խեղման ենթարկվածներից 44 մլնը մինչև 14 տարեկան աղջիկներ են: Առավել շատ երևույթը տարածված է Ինդոնեզիայում, Մավրիտանիայում, Գամբիայում: Այստեղ մինչև 11 տարեկան աղջիկների մոտ կեսը ենթարկվում է սեռական օրգանների խեղման:
  • 15-49 տարեկան կանանց ցուցանիշով առաջատար են Սոմալին (98%), Գվինեան (97%),  Ջիբուտին (93%):
  • Այս գործողություննեը կարող են ուղեկցվել ուժեղ արյունահոսությամբ ու բժշկական այլ խնդիրներով, այդ թվում վարակներ, անպտղություն, ծննդաբերությունների բարդացում՝ ընդհուպ մինչև նորածնի մահ:
  • Կայուն զարգացում-2030 ծրագիրը ներառում է կոչ ոչնչացնելու սեռական օրգանների նման վիրահատությունները:

 

Առողջապահության միջազգային կազմակերպությունը փետրվարի 6-ը հայտարարել է որպես կանանց սեռական օրգանների խեղման նկատմամբ անհանդուրժողականության օր:

 

Աշխեն Քեշիշյան

 

 

Կարդացեք թեմայի շուրջ.

 

Ամեն տարի  3 մլն կանանց ու աղջիկներին սպառնում է սեռական օրգանների խեղման վտանգը

Դիտումների քանակը` 1238

Վերադառնալ վերև