Եթե դուք սխա՞լ եք նկատել տեքստում, նշեք այն և սեղմեք Ctrl+Enter՝ տեղեկատվությունը խմբագրին ուղարկելու համար:

Ընտրական հանձնաժողովների անդամների 55.8 % տոկոսը կանայք են եղել

 

Մայիսի 5-ին կայացած Երևանի ավագանու ընտրություններում ընտրատեղամասային ընտրական հանձնաժողովների անդամների մեծ մասը կանայք են եղել: Այս մասին WomenNet.am-ին հայտնեցին Կենտրոնական ընտրական հանձնաժողովի մամուլի ծառայությունից:

 

Ըստ տրամադրած տեղեկատվության, մայրաքաղաքի ամբողջ տարածքում ձևավորվել է 464 տեղամասային ընտրական հանձնաժողովներ, որտեղ որպես հանձանժողովի անդամներ ներգրավված են մոտ 3700 քաղաքացիներ:

 

Նրանցից 2067 իգական սեռի ներկայացուցիչներ են (կամ հանձնաժողովի անդամների ընդհանուր թվի 55.8 %-ը):

 

Հանձնաժողովների անդամ կանանցից 188-ը նշանակված են որպես հանձնաժողովի նախագահ (որը կազմում է հանձնաժողովի անդամների ընդհանուր թվի 5 %-ը), իսկ 326 նշանակված են որպես հանձնաժողովի քարտուղար (որը կազմումը է հանձնաժողովի անդամների ընդհանուր թվի 8.8 %-ը):

 

ԿԸՀ-ից հայտնում են, որ 1553 իգական սեռի ներկայացուցիչները նշանակված են հանձնաժողովի անդամ (որը կազմումը է հանձնաժողովի անդամների ընդհանուր թվի 41.9 %-ը):

 

ԿԸՀ պաշտոնական կայքում տեղադրված տվյալների համաձայն, կան նաև այնպիսի  հանձնաժողովներ, որոնց 8 անդամներից 5-6 կանայք են:

 

Հանձնաժողովներում ընդգրկված արական սեռի ներկայացուցիչները կազմում են 1628 (կամ հանձնաժողովի անդամների ընդհանուր թվի 44 %):

 

Նրանցից 276 նշանակված են որպես հանձնաժողովի նախագահ (որը կազմում է հանձնաժողովի անդամների ընդհանուր թվի 7.4 %-ը), իսկ 138 նշանակված են որպես հանձնաժողովի քարտուղար (որը կազմումը է հանձնաժողովի անդամների ընդհանուր թվի 3.7 %-ը), 1214 հանձնաժողովի անդամ են (որը կազմումը է հանձնաժողովի անդամների ընդհանուր թվի 32.8 %-ը):

 

Հ. Կարապետյան

 

Դիտումների քանակը` 2515

Վերադառնալ վերև