Եթե դուք սխա՞լ եք նկատել տեքստում, նշեք այն և սեղմեք Ctrl+Enter՝ տեղեկատվությունը խմբագրին ուղարկելու համար:

Պատգամավորները երաշխավորեցին «տեր եմ» – «հնազանդ եմ» նորմը

«Կանանց եւ տղամարդկանց հավասար իրավունքների եւ հավասար հնարավորությունների ապահովման մասին» օրենքի նախագծի ներկայացման ընթացքում պատգամավոր   Հովհաննես Մարգարյանը (ՕԵԿ)  անդրադառնալով եկեղեցական  պսակադրության ժամանակ ամուսինների “տեր եմ“ եւ “հնազանդ եմ” երդմանը  նշեց, որ  եկեղեցում ասածը ավելի ուժեղ նորմ է, քան  եթե այն օրենքով սահմանվեր .

 

–          Մենք չենք կարող ներառել օրենսգրքում՝ որպես օրենքի նորմ, որ տեր կանգնեն, այսինքն՝ տղամարդիկ տեր կանգնեն իրենց ասածին, որ «տեր են կանանց», իսկ կանայք տեր կանգնեն «հնազանդ» բառին, եւ իրենց հնազանդությունը դրսեւորեն համատեղ կյանքի ընթացքում, որն ամենավառ վկայականն է կայուն ընտանիք ունենալու հարցում…

 

Նիստը վարող ԱԺ փոխնախագահ Էդուարդ Շարմազանովն  (ՀՀԿ)  էլ արձագանքեց.

 

–          Շնորհակալություն, պրն Մարգարյան,  կարծում եմ, բոլորս պետք է համաձայնվենք այն դիտարկման հետ, որ ընտանիքի  ամրությունը կայանում է նրանում, որ տղամարդիկ պետք է իրապես տեր լինեն իրենց ընտանիքին, իսկ կանայք հնազանդ։ Աստված տա, այդ բարոյականությունը եւ այդ բարոյագիտական նորմը մնա դարեդար։

Լուսանկարը ՝ http://market.copypaste.am

Դիտումների քանակը` 4320

Վերադառնալ վերև