Եթե դուք սխա՞լ եք նկատել տեքստում, նշեք այն և սեղմեք Ctrl+Enter՝ տեղեկատվությունը խմբագրին ուղարկելու համար:

8 միլիարդատեր տղամարդ ունի նույնքան կարողություն, որքան երկրագնդի բնակչության կեսը

oxfam

Ութ մեծահարուստների  կապիտալը հասել է աշխարհի բնակչության ամենաաղքատ կեսը կազմող՝ 3,6 միլիարդ մարդու միջոցների ընդհանուր ծավալին –  այդ մասին են վկայում  Oxfam միջազգային բարեգործական  կազմակերպության կողմից  «Տնտեսություն 99 տոկոսի համար» այս տարվա  զեկույցի տվյալները:

 

 

Oxfam-ի զեկույցն  հրապարակվել է   հունվարի կեսին, ինչպես միշտ  Դավոսյան տնտեսական ֆորումին  ընդառաջ,  և  հիմնված է Forbes-ի և Credit Suisse-ի Համաշխարհային հարստության վերաբերյալ ամենամյա զեկույցի տվյալների վրա:

 

 

Հետազոտությունում նշվում է, որ հարուստների և աղքատների միջև տարբերությունը զգալիորեն ավելի մեծ է, քան համարվում էր նախկինում: Օքսֆամի անցած տարվա զեկույցում նշված էր, որ  աշխարհում 62 հոգու կապիտալը հավասար է երկրագնդի բնակչության մեկ երկրորդի կապիտալին: Բայց այդ հաշվարկը չէր ներառում Հնդկաստանի և Չինաստանի տվյալները, որոնց հաշվին տվյալները նորացվել են եւ այժմ  արդեն ստացվեց, որ ընդամենը ութ  միլիարդատերեր ունեն  նույնքան կապիտալ, որքան աշխարհի ոչ հարուստ բնակչության 50 տոկոսը, այն է՝ 426 մլրդ դոլար:  

 

Զեկույցի հեղինակները նաև նշում են, որ 2015-ից ի վեր աշխարհի հարուստների 1 տոկոսը ունի նույնքան ունեցվածք, որքան աշխարհի բնակչության մյուս կեսը: Միաժամանակ աշխարհի ամենաաղքատ բնակչության 10 տոկոսի եկամուտը 1988-2011 թվականներին աճել է 3 մլն-ով, մինչդեռ մեծահարուստ 1 տոկոսինը՝ 182 անգամ:

 

 

Ինչպես հայտարարում են փորձագետները, գործարարները, որոնք խուսափում են հարկերից, նվազեցնում աշխատավարձերը և ազդում քաղաքականության վրա, միայն մեծացնում են այդ ճեղքը:

 

 

Զեկույցում նշվում է, որ 1 տրիլիոնի առաջին սեփականատերը կարող է հայտնվել առաջիկա 25 տարվա ընթացքում, մինչդեռ  յուրաքանչյուր տասներորդ մարդ աշխարհում  ապրում է օրական 2 դոլարից քիչ փողով:

 

bilioners

 

Ի դեպ, աշխարհի ութ ամենահարուստ միլիարդատերերը  տղամարդիկ  են՝

 

Բիլ Գեյթս (ԱՄՆ), Microsoft-ի համահիմնադիր (75 միլիարդ դոլար),

Ամանսիո Օրտեգա (Իսպանիա), Inditex ընկերության հիմնադիրը, որին պատկանում է Zara խանութները, (67 միլիարդ դոլար),

Ուորեն Բաֆեթ (ԱՄՆ), Berkshire Hathaway-ի ամենամեծ բաժնետերը (60,8 միլիարդ դոլար),

Կառլոս Սլիմ Հելու (Մեքսիկա), Grupo Carso-ի սեփականատեր (50 միլիարդ դոլար),

Ջեֆ Բեզոս (ԱՄՆ), Amazon-ի հիմնադիր և գլխավոր գործադիր տնօրեն (45,2 միլիարդ դոլար),

Մարկ Ցուկերբերգ (ԱՄՆ), Facebook-ի համահիմնադիր և գլխավոր գործադիր տնօրեն (44,6 միլիարդ դոլար),

Լարի Էլիսոն (ԱՄՆ), Oracle-ի համահիմնադիր և գլխավոր գործադիր տնօրեն (43,6 միլիարդ դոլար),

Մայքլ Բլումբերգ (ԱՄՆ), Bloomberg-ի սեփականատեր (40 միլիարդ դոլար)։

 

 

Դիտումների քանակը` 779

Վերադառնալ վերև