Խորհրդաժողովում սահմանվել է Կանանց միջազգային տարվա խնդիրների իրականացման գործողությունների համաշխարհային ծրագիրը, որը պարունակում էր մինչև 1985 թվականը ներառյալ ժամանակահատվածում կանանց իրավունքների առաջմղման համալիր ղեկավար սկզբունքները:

Խորհրդաժողովին մասնակցել են 133 երկրի կառավարությունների ներկայացուցիչներ, իսկ զուգահեռ տեղի ունեցած համաժողովին՝ ոչ կառավարական կազմակերպությունների 6000 ակտիվիստներ:

145 անդամ պետությունների ներկայացուցիչները համաձայնության եկան գործողությունների ծրագրի շուրջ, որը նախատեսում էր կանանց` սեփականության իրավունքի ապահովման ուղղությամբ ջանքերի գործադրումը, ինչպես նաև կանանց ժառանգության, երեխաների խնամակալության և քաղաքացիության իրավունքի պաշտպանության բարելավումը:

157 անդամ պետություններ ընդունեցին Նայրոբիի կանանց իրավունքների առաջմղման երկարաժամկետ ռազմավարություններ, որոնցում նախանշված են ազգային մակարդակում գենդերային հավասարության հասնելու և խաղաղ կարգավորման և զարգացման ջանքերին կանանց մասնակցությանն աջակցելու միջոցառումներ: Խորհրդաժողովին մասնակցել են 1900 պաշտոնական պատվիրակներ և ոչ կառավարական կազմակերպությունների զուգահեռ համաժողովին՝ շուրջ 12000 ակտիվիստներ:

Պեկինում կանանց նվիրված չորրորդ համաշխարհային խորհրդաժողովը նշանակալի շրջադարձային պահ էր գենդերային հավասարության գլոբալ օրակարգի համար:

Խորհրդաժողովի մասնակից 189 երկրների կողմից միաձայն ընդունված Պեկինի հռչակագիրը և Գործողությունների ծրագիրը կանանց իրավունքների և հնարավորությունների ընդլայնման և գենդերային հավասարության գլոբալ ռազմավարական փաստաթուղթ են համարվում: