Կանանց տեղեկատվական-վերլուծական ցանցն ազդարարում է, որ շուտով իր աշխատանքը կսկսի Կանանց քաղաքական մասնակցության էլեկտրոնային գրադարանը: Այն մասնագիտացված էլեկտրոնային շտեմարան է, որի նպատակն է հավաքագրել, համակարգել և հանրայնացնել Հայաստանում կանանց քաղաքական մասնակցությանը վերաբերող իրավական, ակադեմիական, վիճակագրական և քարոզչական նյութերը:
Կանանց քաղաքական մասնակցության գրադարանը պարզապես նյութերի պահոց չէ, այլ գործիք է բոլոր նրանց համար, ովքեր կարևորում են գենդերային հավասարությունը, կանանց առաջնորդությունն ու մասնակցային ժողովրդավարությունը:
Մեկ հարթակում hամախմբված են լինելու ոլորտին առնչվող կարևորագույն ռեսուրսները, որոնք բաժանված են հետևյալ հիմնական բաժինների․
Ո՞րն է նպատակը․
Նոր ռեսուրսը միտված է Հայաստանում կանանց քաղաքական մասնակցության հիմնախնդրի շուրջ առկա գիտելիքի համակարգմանը, հանրային և մասնագիտական երկխոսության զարգացմանը։
Մեր նպատակն է տեղեկատվության և գիտելիքի միջոցով ուժեղացնել կանանց ձայնը քաղաքականության մեջ և նպաստել իրական գենդերային հավասարության կայացմանը:
Ու՞մ համար է նախատեսված․
Հետազոտողների, քաղաքացիական ակտիվիստների, լրագրողների, քաղաքականություն մշակողների և յուրաքանչյուրի համար, ով ձգտում է դեպի հավասար ու ներառական հասարակություն:
Մեր կարգախոսն է ․
ԳԻՏԵԼԻՔԻՑ՝ ԴԵՊԻ ՀԱՎԱՍԱՐ ՄԱՍՆԱԿՑՈՒԹՅՈՒՆ։
Կանանց քաղաքական մասնակցության էլեկտրոնային գրադարան՝ թվային հարթակ, որն ամփոփում է Հայաստանում կանանց քաղաքական առաջընթացի ուղին:
