«Կանանց տեղեկատվական-վերլուծական ցանց» ՀԿ-ն հայտարարում է «Ընտրական գործընթացներում գենդերազգայուն հաղորդակցության խթանում և ապատեղեկատվության կանխարգելում» ծրագրի մեկնարկի մասին։
Այն իրականացվում է «ProElect-Արևելյան գործընկերությունում ընտրական գործընթացների հաշվետվողականության խթանում քաղաքացիական հասարակության դերակատարների մասնակցության և կարողությունների զարգացման միջոցով» տարածաշրջանային ծրագրի շրջանակում՝ Transatlantic Foundation-ի և ERIM-ի գործընկերությամբ և ֆինանսավորվում է Եվրոպական միության կողմից։
Հայաստանի լրատվական դաշտում իրականացված մշտադիտարկումները և հետազոտությունները փաստում են, որ գենդերային ապատեղեկատվությունն ու առցանց ատելության խոսքը հատկապես նախընտրական շրջանում խորացնում են կանանց նկատմամբ խտրականությունը, նվազեցնում նրանց տեսանելիությունը ԶԼՄ-ներում և մեծացնում քաղաքական մասնակցությունից հրաժարվելու ռիսկը։
«Ընտրական գործընթացներում գենդերազգայուն հաղորդակցության խթանում և ապատեղեկատվության կանխարգելում» ծրագիրը նպատակ ունի դարձնել Հայաստանի ընտրական տեղեկատվական միջավայրը ավելի անվտանգ, ավելի ներառական և ավելի հաշվետու՝ նվազեցնելով կանանց նկատմամբ ատելության խոսքը, գենդերային ապատեղեկատվությունը և կանանց մասնակցությունը խոչընդոտող կարծրատիպերի վերարտադրումը։
Այդ նպատակին հասնելու համար ծրագիրը կիրականացվի երեք փոխկապակցված բաղադրիչների միջոցով․
Ծրագիրը նաև ներառում է կարողությունների զարգացման բաղադրիչ, որը միտված է ծանոթացնելու լրատվական դաշտի և այլ շահագրգիռ կողմերի ներկայացուցիչներին մշակված գործիքների և գենդերազգայուն հաղորդակցության սկզբունքների հետ։
Բացի այդ, նախատեսվում է իրականացնել հանրային իրազեկման արշավ՝ ինֆոգրաֆիկաների և այլ մուլտիմեդիա լուծումների միջոցով, ինչպես նաև քաղաքական երկխոսություն Կենտրոնական ընտրական հանձնաժողովի, մեդիա կարգավորող մարմինների և օրենսդիրների հետ՝ նպաստելու գենդերազգայուն չափանիշների ընդունմանը և այդ ուղղությամբ վերահսկողության մեխանիզմների հզորացմանը։
Այս միջամտությունների համադրությունը կձևավորի գործնական և լայն տարածում ունեցող լուծում՝ ուղղված վնասակար նարատիվների/խոսույթների կանխարգելմանը և Հայաստանի ժողովրդավարական գործընթացներում կանանց ու այլ թերներկայացված խմբերի հավասար մասնակցության խթանմանը։
ProElect ծրագրի մասին
«ProElect-Արևելյան գործընկերությունում ընտրական գործընթացների հաշվետվողականության խթանում քաղաքացիական հասարակության դերակատարների մասնակցության և կարողությունների զարգացման միջոցով» ծրագիրը իրականացվում է Transatlantic Foundation-ի և ERIM-ի գործընկերությամբ և ֆինանսավորվում է Եվրոպական միության կողմից։
Ծրագրի նպատակն է ապահովել՝ Արևելյան գործընկերության երկրների քաղաքացիական հասարակության դերակատարները ներգրավված, կարողունակ և տեղեկացված լինեն ընտրությունների մշտադիտարկման, ինչպես նաև ժողովրդավարական հաշվետվողականության մեխանիզմների խթանման մասին։
Սույն հրապարակումն արվել է Եվրոպական միության և Equal Rights & Independent Media (ERIM) կազմակերպության ֆինանսական աջակցությամբ։ Հրապարակման մեջ ներկայացված բովանդակության ամբողջական պատասխանատվությունը կրում է «Կանանց տեղեկատվական-վերլուծական ցանց» ՀԿ-ն, և այն պարտադիր չէ, որ արտացոլեն Եվրոպական միության և ERIM-ի տեսակետները:
