Առօրյա վազքի մեջ 21-ամյա Լենա Միրզոյանը երբեմն չի էլ զգում՝ ինչպես է սկսվում և ավարտվում օրը։ Հասցնում է միաժամանակ սովորել, աշխատել ու հասարակական գործունեությամբ զբաղվել։ Սովորում է Երևանի պետական համալսարանի սոցիոլոգիայի ֆակուլտետում, ապագա սոցաշխատող է։ Զուգահեռաբար աշխատում է հայրենի Ղուկասավանի միջնակարգ դպրոցում՝ որպես եզդիերենի ուսուցչուհի, ինչպես նաև՝ Մարդու իրավունքների եզդիական կենտրոնի «Խիրատ մեդիա» նախագծում։
